Старшыня Папскай рады па справах сям’і выступіць з дакладам у ААН
14 лютага ў сядзібе
ААН у Нью-Ёрку з дакладам выступіць арцыбіскуп Вінчэнца Палья, які звярне ўвагу міжнароднай
супольнасці на актуальнасць дакумента Папскай рады па справах сям’і 30-гадовай даўніны,
а менавіта “Хартыі правоў сям’і”, створанай па ініцыятве Яна Паўла ІІ. У сакавіку
2013 г. са зместам гэтага дакумента іерарх пазнаёміць таксама членаў Еўрапейскага
Парламента і прадстаўнікоў краін прысутных на сесіі ААН у Жэнеўскай сядзібе гэтай
арганізацыі. Паводле арцыбіскупа Пальі змест “Хартыі правоў сям’і” мае вялікую актуальнасць.
“Мы раскажам, што сям’я з’яўляецца спадчынай чалавецтва, якую неабходна падтрымліваць
і прызнаць яе правы”, сказаў іерарх і дадаў, што баронячы яе, “Касцёл аказвае вялікую
паслугу ўсім”.