Papa: ndër vendet në luftë, popullsitë duhet të jenë protagoniste për ardhmërinë e
paqes
“Të lutemi, që popullsitë, të cilat vuajnë për shkak të luftërave e konflikteve, të
mund të jenë protagoniste në ndërtimin e ardhmërisë së paqes”: ky është ndjeti misionar
i lutjes së Papës për muajin shkurt 2013. Benedikti XVI vë, kështu, theksin, mbi
rolin e popujve në sigurimin e paqes, duke i ftuar të gjithë besimtarët t’i bashkojnë
zërat në lutje, për popullsitë e masakruara, posaçërisht të Lindjes së Mesme e të
zonave të ndryshme afrikane, troje larg viseve tona, por pranë shpirtit tonë si të
krishterë, që duan t’i shikojnë mbarë popujt e botës duke e ndërtuar ardhmërinë me
duart e veta.