Папа прыме ўдзел у канцэрце з нагоды гадавіны Латэранскіх пагадненняў
Бэнэдыкт ХVI разам
з Прэзідэнтам Італіі Джорджа Напалітана прыме ўдзел у канцэрцэ, які пасольства Італіі
пры Апостальскай Сталіцы арганізуе 4 лютага ў Ватыкане з нагоды 84-й гадавіны падпісання
“Латэранскіх пагадненняў”. У праграме канцэрту прадбачаны опера “La forza del destino”
(Сіла лёсу) Джузэпэ Вердзі, якога 200-годдзе з дня нараджэння прыпадае ў 2013 г.
Акрамя таго запланавана ІІІ Сімфонія “Eroica” (Гераічная) Людвіга ван Бетховена.
Гэта сімфонія была складзеная ў 1804 г. ў гонар Напалеона, які нёс, як бачылася Бетховену,
сцяг рэспубліканства ў старую Еўропу, але пасля, з прыняццем Напалеонам тытула імператара,
кампазітар з болем у сэрцы перафразаваў прысвячэнне ў “Гераічную сімфонію, складзенай
ў памяць Вялікага Чалавека”, але не быў ім ужо Напалеон, як было прадбачана з самага
пачатку.
Гэтыя творы выканаюць Зубін Мета, які з 1998 г. па 2006 г быў дырэктарам
Баварскай Нацыянальнай Оперы і аркестр “Del Maggio Musicale Fiorentino” з італьянскай
Фларэнцыі.