Бэнэдыкт XVI: радасць кансэкраванага жыцця – у крыжы Хрыста
“Радасць кансэкраванага
жыцця заўсёды праходзіць праз удзел у крыжы Хрыста”, - з такімі словамі Бэнэдыкт XVI
звярнуўся да ўдзельнікаў св. Імшы, якая 2 лютага прайшла ў ватыканскай базыліцы з
нагоды свята Ахвяравання Пана. У сваёй гаміліі Папа паразважаў аб прадстаўленні гэтай
падзеі ў Святым Пісанні, а затым даў некаторыя парады кансэкраваныі асобам. Пантыфік
адзначыў, што ў якасці ахвяраванняў Богу Панна Марыя і св. Юзаф прынеслі двух галубоў,
што паказвае сапраўдную ідэнтычнасць Святой Сям’і. Яны былі “людзьмі простымі, пакорнымі,
але вельмі веруючымі – адной з тых сем’яў, што прыналежала да бедных Ізраэля, з якіх
складаўся сапраўдны народ Божы”, - сказаў Бэнэдыкт XVI. Таксама Папа адзначыў, што
ахвяраванне адбылося менавіта ў святыні, хоць паводле яўрэйскіх законаў гэта можна
было зрабіць і дома. Гэта дае магчымасць ясна заззяць тэме ахвяры і святарства. Бэнэдыкт
XVI падкрэсліў, што ў Пасланні да Яўрэяў, гэта тэма была ўмацавана ўвядзеннем у яе
цярпення, як абавязковага элементу. “Як Ён сам пакутаваў, будучы спакушаемым, то можа
і тым, хто церпіць спакусы дапамагчы”, - нагадаў Святы Айцец словы апостала Паўла.
Нарэшце
Пантыфік падкрэсліў, што характэрным элементам свята Ахвяравання Пана з’яўляецца святло
свечак. Паводле Папы, гэта святло з’яўляецца знакам “прыгажосці і каштоўнасці кансэкравана
жыцця, як адлюстравання святла Хрыста, знак які нагадвае аб уваходзе Марыі ў святыню”.
“Панна Марыя, дасканала Кансэкраваная, несла на руках само Святло, уцелаўлёнае Слова,
якое прыйшло, каб разагнаць цемру свету любоўю Бога”, - сказаў Папа.
Звяртаючыся
да кансэкраваных асобаў Папа даў ім тры парады: першая тычылася неабходнасці ўмацавання
веры, якая дапаможа ўпоўні асвяціць іх пакліканне; другая – з дапамогай веры бачыць
мудрасць, якая заключаецца ў слабасці; і нарэшце трэццяя – абнаўляць веру, якая дапаможа
рабіць неабходныя крокі на шляху ў будучыню.