Ուրբաթ 1 Փետրուար 2013-ի առաւօտեան Պենետիկտոս ԺԶ Սրբազան Քահանայապետը իր գրասենեակի
մէջ ընդունեց Հաւատոյ Ժողովի Քարտւղար` գերապայծառ Լուիս ֆրնասիսքօ Լատարիա ֆէրրէր ապա
ժամը 11,30-ին հնգամեայ կանոնական այցելութեան առթիւ ընդունեց` Իտալիոյ Գամբանիա Մարզի
7 եպիսկոպոսներ։
Յայտնենք որ - Ad limina apostolorum - Առ Աեամս Առաքելոցն
- այեցլութիւնները կաթողիկէ եկեղեցւոյ իւրայատուկ կանոնական իրողութիւն մըն է որով
աշխարհի եպիսկոպոսները ամէն հինգ տարի անգամ մը Հռոմ կը ժամանեն Սրբազան Քահանայապետին
հետ հանդիպում ունենալու ու անոր ներկայացնելու տեղական իրենց եկեղեցիներու իւրայատկութիւններն
ու հարցերը։ 2013-ի յունուար 14-ին սկիզբ առին Իտալիոյ կաթողիկէ եկեղեցւոյ եպիսկոպոսներուն
Սուրբ Պետրոսի յաջորդին հնգամեայ կանոնական այցելութիւնները որոնք վերջ պիտի գտնեն յառաջիկայ
23 մայիսին Սրբազան Քահանայապետի Ճառով ուղղուած բոլոր իտալիոյ եպիսկոպոսներուն։