Арцыбіскуп Луіс Сако,
да гэтага часу арцыбіскуп Кіркуту на поўначы Іраку, стаў новым Патрыярхам Вавілоніі
ў Іраку. Ён быў абраны кіраўніком Халдэйскай Каталіцкай Царквы 1 лютага 2013 г.
падчас Сінода Біскупаў гэтага Касцёла, які з 28 студзеня праходзіў у Рыме. Арцыбіскуп
Луіс Сако замесціць на гэтай пасадзе кардынала Эмануэла ІІІ Дэлі, які пакінуў пасад
з-за цяжкага стану здароў’я. Новы Патрыярх нарадзіўся ў 1948 г. у Іраку. Святарскае
пасвячэнне атрымаў у 1974 г. У Папскім Усходнім Інстытуце ў Рыме ў 1983 г. абараніў
дактарат з Усходняй Патралогіі, і потым ва ўніверсітэце Сарбона ў Парыжы дактарат
аб гісторыі Касцёла. З’яўляецца аўтарам шматлікіх кніг і артыкулаў пра Айцоў Касцёла.
Акрамя арабскай і халдэйскай мовы ведае таксама нямецкую, французскую, ангельскую
і італьянскую.