Кардынал Равазі: засяродзіцца не на веры моладзі, але веры ў моладзь
Тэме новых моладзевых
культур будзе прысвечана пленарнае пасяджэнне Папскай рады па культуры, якое пройдзе
6-9 лютага. 31 студзеня ў Ватыкане прайшла прэзентацыя падзеі, у якой між іншых прыняў
удзел кардынал Джанфранка Равазі, старшыня гэтай ватыканскай дыкастэрыі. Іерарх падзяліўся
некаторымі думкамі адносна негатыўных уплываў на моладзь і ўказаў на важнасць веры
ў яе пазітыўныя характарыстыкі. Канстатуючы існуючую сёння рэчаіснасць, кардынал Равазі
адзначыў уплыў лічбавай культуры на маладыя пакаленні. Ён падкрэсліў, што ў камунікацыю
моладзі глыбока увайшлі “спрашчэнне” “”Твітэра”, піктаграфічныя сімвалы мабільных
тэлефонаў, віртуальнае “чатаванне” праз экран манітора. Кардынал Равазі адзначыў,
што камп’ютарная логіка “захаваць” і “выдаліць” кіруе таксама і мараллю маладых людзей.
Паводле
іерарха, тое, што маладыя людзі часта гуляюць з навушнікамі ў вушах, з’яўляецца таксама
сімвалам таго, што яны “адключаны” ад нязноснай грамадскай, палітычнай, рэлігійнай
складанасці, якую стварылі старэйшыя пакаленні. У сувязі з гэтым ён заклікаў да рахунку
сумлення бацькоў, настаўнікаў, святароў і кіруючыя класны.
Таксама кардынал
адзначыў, што “адрознасць” моладзі не толькі негатыўная – яна ўтрымлівае ў сябе зерні
“цудоўнай плённасці і сапраўднасці”. Ён звярнуў увагу на адкрытасць моладзі на розныя
формы валантарыяту, любоў да музыкі, спорту, сяброўства, якая дае магчымасць казаць
“што не хлебам адзіным жыве чалавек”. “Таму, адкідаючы неабходныя аб’етыўныя соцыа-псіхалагічныя
аналізы веры малодзі, гэта значыць іх рэлігійнасці, я аддаю перавагу таму, каб засяродзіцца
на веры ў моладзь, гэта значыць да даверу да іх патэнцыялу, схаванага пад той абыякавасцю,
якая мяне напачатку ўразіла”, - сказаў кардынал.