Օր մը, երբ մեթրոյէն կ'ելլէի, մեծ ծանուցում մը ուշադրութիւնս գրաւեց. ,Պայքարեցէ՛ք Կիրակի
օրը աշխատելու դէմե : Վերջերս, Ֆրանսայի ծերակոյտը ընդունեց կիրակի օրը աշխատելու օրէնքը՝
արտօնելով վաճառականական գործերը եւ այսպիսով խնդրելով պաշտօնեաներէն իրենց տուները թողուլ
եւ երթալ աշխատիլ : Կարելի է խորհիլ Կիրակի օրուան իմաստին մասին որպէս ,Տիրոջ օրե
քրիստոնեաներուս համար եւ հետեւաբար, աղօթքին եւ աղօթելու նշանակութեան մասին : Արդեօ՞ք
կիրակնօրեայ գործը պիտի փոխարինէ Կիրակի օրուայ աղօթքը: Պատասխան մը ունենալու համար,
հարկ է վերադաոնալ Հին Կտակարանին եւ մեր քրիստոնէական պատմութեան : Երբ մենք մեզ
կը հարցնենք թէ ինչո՞ւ կ’աշխատինք, բազմաթիւ պատասխաններ կը յայտնուին մեր առջեւ : Նախ
եւ առաջ, կ’աշխատինք ապրելու եւ սնանելու համար, զարգանալու համար, ճանչցուելու համար
ընկերային կեանքին մէջ, եւ վերջապէս կը նկատենք գործը իբրեւ պարտականութիւն եւ պաշտօն
: Բոլոր մարդկութեան պատմութեան ընթացքին, գործը կարեւոր մաս կազմած է մարդուն եւ կնոջ
կոչումին, ,մարդը կ’ապրի պարտէզին մէջ՝ զայն մշակելու եւ պահելու համարե (Ծնն 2, 15)
: Գործը միշտ ներկայ իրականութիւն մըն է Հին Կտակարանին մէջ, սքանչելի իրականութիւն մը,
որովհետեւ ան կարեւոր ինչք մըն է տրուած Աստուծմէ մարդուն՝ իր լաւութեան համար, որովհետեւ
Ան վստահութիւն ունի մարդուն աշխատելու կարողութեան վրայ : Առ ի հետեւանք, մարդը կը մասնակցի
Ստեղծագործութեան վսեմ ասպարէզին եւ զայն կ’ամբողջացնէ : ճոն Բուսկին կ’ըսէր. ,Աշխատելու
ծայրագոյն վարձատրութիւնը այն չէ թէ ինչ որ կը շահինք, այլ ինչ կ’ըլանքե : Իսկ եթէ պէտք
է աշխատիլ ամէն օր, նոյնիսկ կիրակի օրը, ուրեմն մենք մեզի պարտական ենք հարցնելու թէ
ո՞ւր է աղօթքին տեղը մեր կեանքէն ներս եւ ինչո՞ւ կ՚աղօթենք : Աղօթքը ժամանակ մըն է երբ
մարդը կը հաղորդակցի Աստուծոյ հետ : Արդ, Ան ներկայ է մարդուն սրտին մէջ եւ կեդրոնանալու
ենք Զինք գտնելու համար : Աղօթքը մեզ կու տայ բարեկեցութիւնը, շնորհք մը՝ մեր կատարելիք
գործերուն մէջ եւ ըլլալու հաղորդական հանդէպ բոլոր անոնց որ մեր շուրջը կ’ապրին : Մեզ
կ’արտօնէ կապ պահելու Աստուծոյ հետ եւ մեր բոլոր գործունէութիւններուն կ’ապահովէ լիուլի
յաջողութիւն : Եկեղեցին կը պատուիրէ մեզի ժամանակ մը տրամադրելու աղօթքի եւ արդէն
նշանաւոր սուրբերը եղած են միշտ մեծ աղօթողներ : Աղօթել, կը նշանակէ Ասուծոյ հետ խօսիլ,
զինք բարեբանելու եւ պանծացնելու, Իրեն փառք տալու եւ Իրմէ խնդրելու շնորհքները որոնց
կարիքը ունինք, ինչպէս կ’ըսէր Սուրբ Օգոստինոսը : Աղօթել, կը նշանակէ արժեւորել Աստուծոյ
հայեացքը մեր վրայ : Աստուած աշխարհը ստեղծեց վեց օրէն եւ եօթներորդ օրը հանգչեցաւ
: Եկեղեցին ալ կը պատուիրէ բոլորին կիրակի օրը աղօթել եւ հանգիստի տրամադրել. Յովհաննէս-Պօղոս
Բ. քահանայապետը իր առաքելական թուղթին մէջ մեզ կը յիշեցնէ կիրակի օրուան սրբութիւնը
:
Երբ մեր արդի ընկերութեան մէջ արժանիքները հոմանիշ են շահի, մրցակցութեան եւ
շահաւետութեան, եւ երբ այս բոլորը կը ստանանք աւելի եւս աշխատելով, կը մտածենք թէ Աստուծոյ
եւ աղօթքի տեղ չկայ : Արդե՞օք Հին Կտատականին ոսկիէ յորդը դարձեալ պիտի պաշտենք... :
Յուսանք թէ ո՛չ... Որպէս եզրակացութիւն, մէջբերենք Յովհաննէս-Պօղոս Բ. քահանայապետի
հետեւեալ խօսքերը ,Տիրոջ Օրըե, առաքելական թուղթէն. ,Յիսուսի տրամադրուած ժամանակը կորսուած
ժամանակ չէ, այլ շահի ժամանակ մը մեր յ արաբերութիւններուն խորունկ մարդկայնութեանե : Տիրոջ
օրը այն կարեւոր օրն է մարդուն եւ Աստուծոյ միջեւ յարաբերութիւներուն համար, երբ մարդը
իր Տիրոջ երգեր կը բարձրացնէ, կը ներկայացնէ ամբողջ իր ամբողջ մարդկութեան : Տիրոջ
օրուան ներկայութիւնը մեզ կը յիշեցնէ թէ տիեզերքն ու պատմութիւնը Աստուծոյ կը պատկանին,
եւ թէ մարդը չի կրնար նուիրագործուիլ իր արարչական ասպարէզին մէջ աոանց վերյ իշելու այս
իրականութիւնը : Գէորգ Վ. Ասատարեան