Архірэйскі Сінод Халдэйска-Каталіцкай Царквы абірае новага Патрыярха
Архірэйскі Сінод Халдэйска-Каталіцкай
Царквы 28 студзеня сабраўся ў Рыме, каб абраць новага Патрыярха. Епіскапы аб’яднанага
з Рымам Вавілонскага Патрыярхату, вернікі якога знаходзяцца ў большай частцы ў Іраку,
вызначаць пераемніка кардынала Эмануэля III Дэлі. Апошні сышоў у адстаўку ў снежні
2012 г. ва ўзросце 85 гадоў. Паводле Кананічнага права Усходніх Каталіцкіх Цэркваў
абірае Патрыярха Архірэйскі Сінод. Галасаванне ўзначальвае прэфект Кангрэгацыі па
справах Усходніх Касцёлаў. Гэту пасаду ў гэты час займае кардынал Леанарда Сандры.
Выбар заўсёды зацвярджае Папа, удзяляючы новаму Патрыярху так званую “ecclesiastica
communio”.