Бэнэдыкт XVI: адзінства неабходна для сапраўднасці хрысціянскага сведчання
25 студзеня Бэнэдыкт
XVI узначаліў малітву нешпараў у базыліцы св. Паўла за мурамі ў Рыме. Яна адбылася
з нагоды заканчэння Тыдня малітвы за адзінства хрысціян, якое традыцыйна прыпадае
на ўрачыстасць Навяртання апостала Паўла. У набажэнстве прынялі ўдзел прадстаўнікі
іншых Цэркваў і рэлігійных супольнасцяў прысутных у Рыме. У сваёй гаміліі Святы Айцец
звярнуў увагу на выклік, які стаіць перад усімі хрысціянамі – памяньшэнне значэння
хрысціянскай веры ў сучасных грамадствах. На думку Папы падзелы таксама спрыяюць гэтай
негатыўнай тэндэнцыі, таму “сёння ёсць вялікая патрэба ў прымірэнні, дыялогу і ўзаемапаразуменні”.
Яно павінна адбывацца не ў “маралісткай перспектыве”, але ў імя “большай аўтэнтычнасці
хрысціянскай прысутнасці ў жыцці грамадстваў”. Пантыфік нагадаў таксама, што вера
неадлучная ад асабістай святасці вернікаў і пошуку справядлівасці. Ён заклікаў давяраць
Богу і памятаць, што адзіснтва – гэта перш за ўсё дар Святога Духа, аб якім трэба
настойліва прасіць у малітве.