Тэма рэлігіі ў цэнтры ўвагі Сусветнага эканамічнага форуму ў Давосе
23 студзеня ў Давосе
адкрыўся Сусветны эканамічны форум, на які з’ехаліся вядучыя сусветныя палітыкі і
эканамісты. На сёлетнім форуме, як заўважаюць эксперты, апрача традыцыйных тэм, будзе
звернута ўвага на рэлігійную складаючую палітычна-эканамічнага жыцця. Ціфані Місраі,
аналітык Глабальнага савета на Сусветным эканамічным форуме, змясціла на яго афіцыйнай
інтэрнэт-старонцы сваё бачанне месца веры і рэлігіі ў сучасных палітыцы і эканоміцы.
“Улічваючы важнасць веры і рэлігіі ў палітычных, эканамічных і сацыяльных падзеях
ва ўсім свеце, я не думаю, што мы можам заплюшчваць вочы на рэлігію, нават калі гэта
нязручная тэма для абмеркавання”, - напісала яна. “Рэлігія па-ранейшаму грае цэнтральную
ролю, (...) даследаванні паказваюць, што 80% жыхароў свету звязаны з рэлігіяй. Такім
чынам, рэлігійныя супольнасці з’яўляюцца магутным рухавіком для трансфармацый”, -
дадала міжнародны аналітык.
Адной з мэтаў сёлетняга форуму ў Давосе яго супрацоўніца
лічыць, пошук шляхоў “прымірэння тэндэнцый развіцця грамадства з рэлігійнымі перакананнямі”.
“Можа рэлігійныя ўстановы па-ранейшаму гуляюць важную ролю ў выхаванні цярпімасці
і каштоўнасцяў у грамадстве ў XXI-м стагоддзі?”, - задае рытарычнае пытанне скептыкам
адна з арганізатараў Сусветнага эканамічнага форуму.
У рамках мерапрыемства
25 студзеня пройдзе адкрытае абмеркаванне тэмы ролі рэлігіі ў сучасным палітычным
і эканамічным жыцці.