Малы юбілей “Твітэру” Папы: 25 кароткіх паведамленняў
Пасля першых 25 твітаў
Бэнэдыкта XVI вызначыліся асноўныя напрамкі разважанняў і думак, якімі Пантыфік дзеліцца
з наведавальнікамі свайго акаўнту. Святы Айцец з дапамогай кароткіх паведамленняў
ў “Твітэры” спрабуе правесці ўсебаковы аналіз актуальнай сітуацыі, у якой апынуўся
сучасны чалавека. Аб гэтым сведчыць змест і выбар пытанняў і адказаў Папы, якія датычаць
самой істоты хрысціянства і знаходжання чалавека ў соцыуме. Яго “кароткія прамовы”,
адрасатамі якіх з’яўляюцца ў асноўным маладыя людзі, датычаць абсалютна канкрэтных
пытанняў: як жыць, як жыць верай, што рабіць у паўсядзённым жыцці, каб яе не згубіць?
Знамянальна, што ў сваіх адказах Бэнэдыкт XVI адразу ж ставіць у цэнтры Евангелле
і Езуса, Які паказвае шлях, дае надзею, прапануе дапамагчы. Таму падчас адбору пытанняў,
між іншым, Папа канцэнтруецца на некалькіх тэмах, важных для жыцця сучаснага чалавека:
працы, сям’і, рэаліях сённяшняга свету.
Бэнэдыкт XVI з самага пачатку ставіць
на першае месца не новыя тэхналогіі, у гэтым выпадку сацыяльныя сеткі, а камунікацыю
з чалавекам. “Твітэр” – толькі інструмент у руках Пантыфіка для наладжвання адносін,
кантакту, абмену думкамі. Таму Святы Айцец у сваіх “твітах” адразу звяртаецца да сваіх
наведавальнікаў ад першай асобы.
Сваёй “дзейнасцю” у сацыяльнай сетцы Пантыфік
імкнецца пашырыць гарызонты мыслення інтэрнаўтаў. Ён запрашае іх выйсці за межы “уласнага
свету” і паглядзець на тых, хто жыве побач. Менавіта таму ў сваім апошнім “твіце”,
апублікаваным упершыню на лацінскай мове, Бэнэдыкт XVI задае пытанне: “Што хоча Бог,
каб мы рабілі для адзінства хрысціян?”. Адказ Папы не застаўляе чакаць: “З верай маліцца,
адпаведна паступаць, адносіцца да іншых добразычліва і ісці сваёй дарогай разам з
Богам”.