21 студзеня Бэнэдыкт
ХVI сустрэўся з першай групай каталіцкіх біскупаў італьянскага рэгіёну Калабрыя, якія
прыбылі ў Ватыкан з візітам “ad limina Apostolorum”. Адзін з удзельнікаў сустрэчы,
біскуп Ламецыя Тэрмэ Луіджы Антоніа Кантафара, падзялізся сваімі ўражаннямі ад яе.
Іерарх адзначыў, што Папа добра ведае ўсе праблемы і выклікі, якія стаяць перад рэгіёнам,
асабліва негатыўныя вынікі прысутнасці і дзейнасці мафіі. Паводле яго слоў, Святы
Айцец заклікаў чэрпаць натхненне з Евангелля для пераадолення ўсіх цяжкасцяў. Ён заклікаў
працягваць барацьбу з мафіяй з дапамогай веры, і такім чынам адраджаць Касцёл і народ.
Акрамя таго, Бэнэдыкт ХVI падчас сустрэчы з іерархамі выказаў заклапочанасць
сітуацыяй моладзі, якая не знаходзіць годнай працы. Бэнэдыкт ХVI заклікаў несці Евангелле
і не губляць матывацыі для душпастырскай працы па евангелізацыі, бо гэта адзіны спосаб
перамагачы цемру і тыя цяжкія моманты, якія могуць нас чакаць, адзначыў біскуп Кантафара.