Папа накіраваў тэлеграму новаму Патрыярху Александрыйскаму
Бэнэдыкт ХVІ накіраваў
19 студзеня 2013 г. тэлеграму на імя новага Патрыярха Александрыйскага Ісаака Ібрагіма
Сідрака. Святы Айцец паведаміў, што станоўча адказвае на просьбу новаабранага кіраўніка
Копцка-Каталіцкай Царквы Егіпта аб удзяленні “ecclesiastica communio” і падкрэсліў,
што гэта важная падзея для ўсяго Паўсюднага Касцёла. Бэнэдыкт ХVІ запэўніў новага
кіраўніка супольнасці у сваёй гарачай малітве і пажадаў іерарху Божага благаслаўлення
ў кіраванні Копцка-Каталіцкай Царквой з яе старажытнай духоўнай і літургічнай традыцыяй.