Кардынал Равазі: эканоміка несумяшчальная з фінансавымі гульнямі
Гуманістычная складаючая
павінна стаяць у цэнтры сучаснай эканомікі, лічыць кардынал Джанфранка Равазі. Ён
выступіў перад удзельнікамі круглала стала, арганізаванага “Народным банкам Вічэнцы”
18 студзеня. Кардынал падкрэсліў, што само слова “эканоміка” у перакладзе з грэцкага
арыгіналу значыць “гаспадаранне домам”. Кіраўнік Папскай рады па культуры ў гутарцы
з банкірамі, сабранымі ў Вічэнцы, выказаў меркаванне, што адкрыццё значэння старажытных
слоў, набывае ў сённяшнім кантэксце асаблівае значэнне. Ён не абмінуў і тэму крызісу.
Іерарх нагадаў, што адзіным выратаваннем ад яго з’яўляецца мараль і справядлівасць.
“Фінансы павінны быць толькі інструментам, які з павагай будзе ставіцца да такой значнай
гуманістычнай навукі як эканоміка”, - перакананы кардынал Равазі.