Եգիպտոսի Ղպտի Կաթողիկէ Եկեղեցին Ընտրեց Իր Նոր Պատրիարքը։

Պենետիկտոս ԺԶ Սրբազան Քահանայապետը ''եկեղեցական հաղորդութիւն'' շնորհեց գերերջանիկ Իպարհիմ Իզաաք Սիտրաք պատրիարքին որ անցեալ 15 յունուարին ընտրուեցաւ Ղպտի Կաթողիկէ եկեղեցւոյ նոր Պատրիարք յաջորդելով Կարդինալ Անթոնիոս Նակիպին տարիքի բերումով, վերջերս, ներկայացուցած էր իր հրաժարականը։

Ղպտի կաթողիկէ եկեղեցւոյ 11 եպիսկոպոսները, 12 - 1 6 յունուար 2013, սիւնհոդոս գումարած են Եգիպտոսի մէջ, որուն ընթացքին նոր Պատրիարք ընտրած են Մինյայի եպիսկոպոսը, 57 տարեկան գերապայծառ Սիտրաքը։

Նախկին Պատրիարք Կարդինալ Նակիպը` Պատրիարք ընտրուած էր 2006-ին եւ 2010-ի նոյեմբերին Պենետիկտոս ԺԶ Սրբազան Քահանայապետը զինք Կարդինալ նշանակած էր ։

Նորընտիր Պատրիարքը ծնած է 1957-ի օգոստոս 19-ին։ Քահանայ ձեռնադրուած է 7 փետրուար 1980-ին։ Եղած է Դաւանաբանական Աստուածաբանութեան դասատու։ Նորընծայարանի Րէկտոր եւ ժողովրդապետ։ 2002-ին կ՛ընտրուի Մինեայի եպիսկոպոս ու օծումը կը ստանայ նոյն տարուայ նոյեմբեր 15-ին։
Ըստ Աւանդութեան Ղպտի Կաթողիկէ եկեղեցին հիմնուած է Աղեքսանդիոյ մէջ 68 թուին, Մարկոս առաքեալի կողմէ։ 451-ին Ղպտիները կը մերժեն գաղկեդոնի ժողովի որոշումները ու կը բաժնուին տիեզերական եկեղեցիէն։ 1924 թուին Լեւոն ԺԲ քահանայապետը կը հաստատէ Ղպտի Կաթողիկէ պատրիարքութիւնը սակայն աթոռը թափուր կը մնայ մինչեւ 1947 թուական։ Ղպտի Կաթողիկէ եկեղեցին ունի 250 հազար հաւատացեալ որոնցմէ 160 հազարը կ՛ապրին եգիպտոսի մէջ։