Բազմահազար Սգաւորներու Յարգանքի Վերջին Տուրքը ՝ Փարիզի Մէջ Սպաննուած Երեք Քիւրտ
Կին Գործիչներուն։
Տիգրանակերտի Պաթըքենթ Հրապարակին վրայ երէկ խուռներամ բազմութեան մը ներկայութեան(շուրջ
200հազար հոգի) տեղի ունեցաւ Փարիզի մէջ 9 յունուարին սպաննուած քիւրտ կին գործիչներու
յուղարկաւորութիւնը: Անոնց դագաղները ծածկուած էին ՔԱԿ-ի դրօշներով (Քիւրտիատանի Բանուորական
Կուսակցութիւն) : Յարգանքի վերջին տուրք մատուցելու համար հաւաքուած ժողովուրդը բարձրացուցած
էր պաստառներ, որոնց վրայ գրուած էին «Բոլորս Սաքինէ ենք», «Բոլորս Լէյլա ենք» եւ «Բոլորս
Ֆիտան ենք»: Անոնք կը բացագանչէին` «ՔԱԿ-ը ժողովուրդն է, ժողովուրդը հոս է» եւ «Նահատակները
երբեք չեն մեռնիր»: Դագաղներու հրապարակ հասնելէն ետք, իբրեւ խաղաղութեան խորհրդանիշ
ճերմակ աղաւնիներ արձակուեցան: Յուղարկաւորութենէն ետք Սաքինէ Ճանսըզի մարմինը թաղուեցաւ
Թունճելիի մէջ(Տերսիմ) , Ֆիտան Տողանի մարմինը ` Մարաշի Էլպիսթան գիւղին մէջ, իսկ Լէյլա
Սէօյլեմեզի մարմինը ` Մերսինի մէջ: