Սուրիոյ Իտլիպ Նահանգին Մէջ Ականուած 3 Ինքնաշարժերու Պայթումին Պատճառով Առ Նուազն 22
Զոհեր Արձանագրուած՝ Մեծմասամբ Բանակի Զինուորներ ։ ՄԱԿ-ի Գլխաւոր Քարտուղարը Կը
Դատապարտէ Հալէպի Համալսարանին Մէջ Տեղի Ունեցած Պայթումը։
Տասնեակ զոհեր Իտլիպի մէջ,Հալէպի Համալսարանի վրայ կատարուած արիւնալի յարձակումի յաջորդ
օրը, ականուած 3 ինքնաշարժերու պայթումը կը համոզէ Ռուսիան (Դամասկոսի պատմական
դաշնակիցը) փակելու Իտլիպի իր Դեսպանատունը։ Միւս կողմէ Հայաստանի արտաքին գործոց
նախարարութեան բանբեր Տիգրան Բալայեան յայտնած է որ Հալէպի Համալսարանին մէջ տեղի ունեցած
պայթումին պատճառով ծանրօրէն վիրաւորուած է հայ մը Սարգիս Պետրոս ։ Այս մասին «Արմէնփրես»-ին
տեղեկացուցած է Բերիոյ Թեմի Ազգային Առաջնորդարանի մամուլի քարտուղար Ժիրայր Ռէյիսեան`
աւելցնելով, որ ան այժմ կը գտնուի հիւանդանոց: Ռէյիսեան նաեւ տեղեկացուցած է, որ ան ուսանող
չէ, սակայն անոր աշխատանքի վայրը մօտ կը գտնուէր համալսարանին, եւ պայթումին պահուն այնտեղ
եղած է: Մոսկուա կը յայտնէ որ ընդդիմադիրները կատարեցին Հալէպի Համալսարանի պայթումը՝
սուրիական բանակին դիմաց իրենց կրած պարտութենէն ետք։ Իսկ ՄԱԿ-ի գլխաւոր քարտուղար
Պան Գի Մունը դատապարտած է Հալէպի Համալսարանին մէջ տեղի ունեցած ահաբեկչութիւնը, որուն
իբրեւ արդիւնք զոհուեցան առ նուազն 87 հոգի ,եւ կան վիրաւորուած աւելի քան 160 անձեր: