Հինգշաբթի 17 Յունուարի առաւօտեան ժամը 11-ին, Պենետիկտոս ԺԶ Սրբազան Քահանայապետը ընդունեց
Իտալիոյ եպիսկոպոսական համահաւաք դասի անդամ` Ապրուցցօ-Մոլիզէ Մարզերու 5 թեմերու եպիսկոպոսները
որոնք հռոմ ժամանած են իրենց հնգամեայ կանոնական այցելութիւնը կատարելու Սուրբ Պետրոսի
յաջորդին։ Յայտնենք որ Իտալիոյ եպիսկոպոսներու -Ad Limina Առ Սիամս Առաքելոյն- հնգամեայ
կանոնական այցելութիւնները սկիզբ առին անցեալ 14 յունուaրին ու վերջ կը գտնեն 23 մայիսին
Սրբազան Քահանայապետի Ճառով ուղղուած` բոլոր Իտալիոյ եպիսկոպոսներուն։ Ապպրուցցօ
- Մոլիզէ եկեղեցական մարզը ունի 15,472 քլմ.քռ տարածք ու 1 միլիոն 594 բնակչութիւն։ Այդ
շրջանի շէջ կը գործեն 1,037 ժողովրդապետութիւններ։ Թեմերուն մէջ կը ծառայէն 1276 քահանաներ
որոնցմէ 357- ն թեմական են։ Կան նաեւ 92 մնայուն սարկաւագներ։ Ապրուցցօ - Մոլիզէ
եկեղեցական Մարզի եպիսկոպոսական համահաւք դասի նախագահն է` գերապայծառ Թոմմազօ Վալէնթինէթթին
որ Բէսքարա - Բէննէ թեմի առաջնորդն է։ Իտալիոյ Ապրուցցօ - Մոլիզէ թեմերու եպիսկոպոսներուն
հետ ունեցած հանդիպումէն ետք Պենետիկտոս ԺԶ Սրբազան Հայրը, Սուրբ Հէնրիկոսի Տօնին առթիւ,
ունկնդրութիւն շնորհեց ֆինլանտայէն ժամանած 12 հոգիէ բաղկացած համամիութենական պատուիրակութեան
մը։