Ватыканскі іерарх аб дасягненнях і перспектывах Году веры
Арцыбіскуп Рына Фізікела,
старшыня Папскай рады па новай евангелізацыі, паведаміў аб выніках і перспектывах
Году веры, пасля абвяшчэння якога прайшло 100 дзён. Іерарх адзначыў, што ініцыятыва
была прынята вернікамі з этузіязмам і зацікаўленасцю. Гэтаму паспрыяла пастава біскупаў
ва ўсім свеце, якія накіравалі адмысловыя пастырскія лісты да сваіх дыяцэзіян і запрасілі
іх да глыбокага разважання над Сімвалам веры. Быў створаны лагатып Году веры, які
размясцілі на тысячах храмах на ўсёй планеце, што прыцягнула ўвагу многіх людзей,
і не толькі веруючых. Арцыбіскуп Фізікела адзначыў, што ў тым ліку і пратэстанцкія
супольнасці выказалі цікавасць да некаторых ініцыятыў Года. Іерарх назваў мерапрыемствы,
якія чакаюць вернікаў на працягу наступных месяцаў. У рамках Года веры адбудзецца
сустрэча моладзі, якая рыхтуецца да сакрамэнту бежмавання. У вігілію ўрачыстасці Спаслання
Святога Духа пройдзе сустрэча семінарыстаў і тых, хто рыхтуецца да манаскага служэння.
Запланавана вялікае спатканне катэхізатараў. У кастрычніку, у гадавіну правядзення
Сусветнай сустрэчы сем’яў у Мілане, будзе адзначацца дзень, прысвечаны сям’і.
Арцыбіскуп
Рына Фізікела прызнаўся, што афіцыйная інтэрнэт-старонка Году веры застаецца адной
з самых папулярных сярод ватыканскіх рэсурсаў.