Եգիպտոսի Եկեղեցիները Համամիութեան Ու Համագործակցութեան Նոր Շրջան Մը Կ'ապրին Շնորհիւ
Ղպտի Օրթոտոքս Նոր Պատրիարքին։
Ղպտի օրթոտքս Թաուատրոս Բ-ի գահակալութեան օրէն սկսեալ Եգիպտոսի եկեղեցիները իրարու շատ
մօտեցած են։ Ըստ Մարկոս առաքեալի 118-րդ յաջորդին` եկեղեցիներու միութիւնը հարկաւոր
է լաւագոյնս դիմագրաւելու համար Եգիպտոսի մէջ տիրող ծայրայեղ մահմետականներու վարչաձեւը։
Նորընտիր պատրիարքը կ'աշխատի բացուիլ ու համագործակցիլ քրիստոնեայ տարբեր համայնքներու
հետ։ Դէտերու գնահատումով համերաշխութեան ու համամիութեան նոր մթնոլորտը կարող է սատարել
Եգիպտոսի քրիստոնեաներու խորհուրդի ստեղծումին։ Լաւագոյնս դիմագրաւելու համար Եգիպտոսի
մոլեռանդ ընկերութիւնը, համայնքապետերը յաճախ իրարու կը հանդիպին խորհրդակցելու եւ միացեալ
դիրք մը առնելու։ Թաուատրոս Բ յունուար 8-ին հիւրընկալեց կարդինալ Սանտրին` կառավարիչը
արեւելեան եկեղեցիներու Եգիպտոսի կատարած այցելութեան ընթացքին։ Ծնունդի օրը Ան ողջունեց
երկրի բոլոր եկեղեցապետերը եւ բաղձանք յայտնեց ամիսը անգամ մը իրենց հետ հանդիպում ունենալու։
Թաուատրոս Բ Պատրաիրքը, որպէս հովիւ, գիտակից է համամիութեան հարկաւորութեան եւ այդ պատճառաւ
յայտարարած է. ''մենք որպէս հովիւներ, պարտական ենք հրապարակաւ յայտնելու մեր եղբայրական
գորովը` փոխադարձ սիրոյ մէջ։ Աստուածաբանական հարցերը պէտք ենք թողուլ աստուածաբաններուն''։
Նշենք որ անոր պատրիարքութեան զինանշանը առնուած է Պօղոս առաքեալի կորնթացիներուն
թուղթիէն ''սէրը յաւերժական է''