Індыйскія біскупы
рэзка асудзілі пашырэнне феномену сексуальнага насілля, які ахапіў краіну. У чарговы
раз індыйскі епіскапат звярнуў увагу на неабходнасць пажаваць сакральнасць чалавечага
жыцця і заклікаў да тэрміновай адукацыйнай дзейнасці. У інтэрв’ю ватыканскаму інфармацыйнаму
агунцтву “Fides” аб пазіцыі Касцёла ў Індыі расказаў кс. Дамінік Д’Абрэа, прэс-сакратар
мясцовага епіскапата. Паводле яго, Касцёл заклікае ўсе ўстановы і рэлігійныя супольнасці
ў краіне працаваць дзеля абароны правоў і годнасці кожнага чалавека. “Мы заўсёды абаранялі
і будзем абараняць годнасць жанчын, павагу і сакральнасць да жыцця. Выклік, які сёння
стаіць перад намі – гэта адукацыя. Яна павінна тычыцца, як дзяцей так і моладзі, і
сыходзіцца на павазе да жыцця кожнага чалавека”, - сказаў святар і нагадаў, што хрысціянская
вера ставіць чалавевечае жыццё на вяршыню каштоўнасцяў.
Кс. Дамінік Д’Абрэа
расказаў, што касцёл у Індыі заўсёды абараняе тых, каго прыціскаюць і заклікае усіх
прыкладаць больш намаганняў, каб перамагчы феномен гвалтавання і будаваць лепшае грамадства.
Ён падкрэсліў, што спецыяльна з гэтай мэтай, 27 студзеня, у Мумбаі пройдуць мерапрыемствы
ў рамках “Дня справядлівасці і роўнасці паміж мужчынам і жанчынай”. “Гэта будзе знак
для ўсёй краіны”, - сказаў святар.
У адносінах да дыскусіі адносна неабходнасці
ўвядзення смяротнага пакарання за гвалтаванне, прадстаўнік Касцёла адзначыў, што не
падтрымлівае такой меры. “Мы верым, што жыццё заўсёды сакральна”, - сказаў святар.
Аднак, ён падкрэсліў, што Касцёл з’яўляецца прыхільнікам строгага пакарання за гэта
злачынства.