Փարիզի Քրտական Տեղեկատուական Հիմնարկի Մէջ Երեք Քիւրտ Ականաւոր Կին Գործիչներ Սպաննուած
։
Փարիզի մէջ գտնուող Քրտական Լրատուութեան Կեդրոնին մէջ երէկ յայտնաբերուեցան դիակները
քիւրտ երեք կին գործիչներու, որոնք իրենց գլուխներէն փամփուշտ ստացած էին: Դիակները հիմնարկին
մէջ յայտնաբերուած են առաւօտեան շուրջ ժամը երկուքին, եւ «տեսարանը մտածել կու տայ, թէ
անոնք մահապատիժի ենթարկուած են»` «սակայն կը սպասուի, որ հետաքննութիւնը ի յայտ բերէ
ողբերգութեան ճշգրիտ պայմանները»:Ֆրանսայի ներքին գործոց նախարար Մանուէլ Վալլս, որ ոճիրին
վայրը այցելեց, սպաննութիւնը «ահաբեկումներ» եւ «անընդունելի » որակեց: Ֆրանսայի մէջ
Քրտական Միութիւններու Դաշնակցութիւնը յայտնեց, որ զոհերն են՝ ՔԱԿ-ի(Քիւրտիստանի Բանուորական
Կուսակցութեան) հիմնադիր անդամներէն Տիկին Սաքինէ Ճանսըզ, տեղեկատուական կեդրոնի պաշտօնեայ
եւ Պրիւքսէլի մէջ Քրտական ազգային քոնկրեսի 32-ամեայ ներկայացուցիչ Ֆիտան Տողան, ինչպէս
նաեւ երիտասարդ գործիչ մը` Լէյլա Սոյլեմեզ: ՝՝ Սահմռկեցուցիչ ոճիր մը՝՝ այսպէս
արտայայտուեցաւ Ֆրանսայի Նախագահ ֆրանսուա Հոլլանտ խօսելով Քիւրտ երեք կիներու սպաննութեն
մասին,ընդգծելով որ անոնցմէ մին ֆիտան Տողանը ինք անձամբ կը ճանչնար։