Бэнэдыкт ХVI сустрэнецца з князем Альбертам ІІ і княжной Шарлін
12 студзеня Бэнэдыкт
ХVI прыме на аўдыенцыі князя Манака Альберта ІІ разам з жонкай княжной Шарлін. Гэты
візіт з’яўляецца працягам доўгай традыцыі шчыльных адносін паміж Апостальскай Сталіцай
і Княствам Манака. Пантыфік прымае Альберта ІІ не ў першы раз. Выключнасць заўтрашняй
аўдыенцыі складаецца ў тым, што князь Манака прадстане перад Святым Айцом упершыню
са сваёй жонкай. Іх шлюб адбыўся ў 2011 г.
Першая сустрэча Святога Айца з
манархам Манака адбылася ў 1957 г., калі князь Рэнье ІІІ і прынцэса Грэйс сустрэліся
з папам Піем ХІІ. Затым іх прымалі Ян ХХІІІ, у 1959 г, і Павел VI, у 1974 г. Акрамя
таго, тая ж пара сустракалася з Янам Паўлам І і Янам Паўлам ІІ. У 1997 г. князь Рэнье
ІІІ сустрэўся на прыватнай аўдыенцыі з Янам Паўлам ІІ у суправаджэнні свайго сына
Альберта, сённяшняга Князя Манака. Бэнэдыкт ХVI сустракаўся з князем Альбертам ІІ
двойчы: у 2005 г. і 2009 г.