Pakistan. Një sërë atentatesh ka shkaktuar mbi 110 të vdekur. Sulme kundër komunitetit
shiit
Në Pakistan situata është jashtëzakonisht e tensionuar. Mëse 115 persona kanë humbur
jetën dje në atentate, përgjegjësinë e të cilave e ka marrë grupe ekstremiste islame
sunite të lidhura me Al Kaeden e talebanët, që kanë marrë në shënjestër komunitetin
islam shiit. Sulmet e dhunshme që kanë ndodhur në Quetta, por edhe në vende tjera
të Pakistanit, i kanë nxitur liderët shiitë pakistanezë t’i kërkojnë ushtrisë së vendit
marrjen e kontrollit në qytete për ta mbrojtur bashkësinë islame shiite. Sipas
raportit të fundit Human Right Watch, viti 2012 ka qenë ndër vitet më të përgjakshme
për shiitët në Pakistan, me mëse 400 të vdekur. Dje sulme janë regjistruar edhe në
luginën Swat e në Waziristan, në kufi me Afganistanin, që kanë ndezur përsëri luftën
separatiste ndërmjet shiitëve e sunitëve islamë.