Ipeshkvijtë amerikanë i kërkojnë Kongresit të miratojë reformën e emigracionit
“Jo më të huaj”: ky ishte titulli i Javës kombëtare të Emigracionit, organizuar javën
e kaluar nga Kisha Katolike në SHBA-të. Pikërisht këto ditë u mbushën 10 vjet nga
Letra baritore për emigracionin, nënshkruar së bashku, nga ipeshkvijtë amerikanë dhe
ata meksikanë. Nisma e ipeshkvijve merr rëndësi, edhe pse po diskutohet për reformën
e ligjit mbi emigracionin, që akoma duhet miratuar nga Kongresi. Pikërisht kongresmenëve,
u drejtohen ata, me një letër në anglisht e spanjisht, duke u kërkuar të miratojnë
një ligj, që të ketë parasysh nevojat e emigrantëve. Prelatët kritikojnë politikën
e 20 vjetëve të fundit, duke e konsideruar tepër kufizuese dhe të orientuar vetëm
nga problemi i sigurisë. Kisha Katolike kërkon t’u jepet mundësia emigrantëve të paligjshëm,
të legalizojnë qëndrimin e tyre në SHBA-të dhe të parashikohet bashkimi familjar për
të gjithë.