Касцёл у Германіі працягвае вывучаць праблему педафіліі
Канферэнцыя Біскупаў
Германіі спыніла супрацоўніцтва з Інстытутам крымінальных даследаванняў Ніжняй Саксоніі,
які займаўся навуковым вывучэннем сексуальных злоўжыванняў з боку некаторых святароў.
У сваім спецыяльным паведамленні, апублікаваным 9 студзеня, біскупы патлумачылі, што
былі вымушаны шукаць новага партнёра, з якім змогуць працягнуць гэты даследчы праект.
“Адносіны даверу паміж дырэктарам Інстытута і нямецкімі біскупамі спыніліся”, - адзначаецца
ў заяве іерархаў. На іх думку, давер з’яўляецца важным элементам у такім важным і
далікатным праекце. “Паводзіны прафесара Пфайфера ў дачыныненні да кіраўнікоў Касцёла,
на жаль, сталі прычынай страты даверу, неабходнага для далейшага канстурктыўнага супрацоўніцтва”,
- прызнаюцца нямецкія іерархі. Яны шкадуюць, што не ўдалося знайсці ўзаемапрымальнага
рашэння, нягледзячы на ўсе намаганні з іх боку.
Даследчы праект з’яўляецца
адной з ініцыятыў, якія Касцёл у Германіі праводзіць на працягу трох гадоў. “Пасля
выкрыцця ў 2010 г. шматлікіх выпадкаў сексуальных злоўжыванняў, Канферэнцыя Біскупаў
вырашыла праняць шырокі спектр мер з мэтай вырашэння гэтага пытання”, - гаворыцца
ў заяве епіскапату. Была створана спецыяльная тэлефонная лінія і прыняты шматлікія
прэвенцыйныя меры, акрамя таго, усім ахвярам была прызнана матэрыяльная дапамога.