Патрыярх Тваль: Касцёл на Блізкім Усходзе – Касцёл на Кальварыі
Сітуацыя хрысціян
на Блізкім Усходзе становіцца ўсё больш складанай. Аб гэтым у інтэрв’ю нашаму радыё
расказаў Лацінскі Патрыярх Іерусаліма Фуад Тваль. Іерарх заклікаў да міжнароднай салідарнасці
з маленькай рэлігійнай супольнасцю хрысціян на Блізкім Усходзе. Паводле яго, у апошні
час сітацыя значна пагоршылася. Сярод іншых негатыўнытых аспектаў 2012 г. ён падкрэсліў
вандаліскія напады на хрысціянскія святыні здзейсненыя членамі мусульманскіх і яўрэйскіх
радыкальных аб’яднанняў. Паводле Патрыярха прычына рэлігійнай нецярпімасці ў рэгіёне
заключаецца ў недахопе выхавання і адукацыі. “Гэта праблема адукацыі дзяцей, школы”,
- сказаў іерарх. Ён таксама адзначыў, што ізраільскія ўлады асудзілі напады на хрысціянскія
храмы, але на свае вочы, ён не бачыў, каб вінаватыя былі знойдзены і пакараны.
Гаворачы
аб сітуацыі ў Сірыі Патрыярх Тваль адзначыў, што яна з’яўляецца асабліва балючай для
рэгіёна. “У мінулым, я казаў, што мы, у Іерусаліме, з’яўляемся Касцёлам Кальварыі,
але зараз увесь Блізкі Усход стаў такім. Сітуацыя ў Сірыі, горш чым у нас. Мы не можам
забываць Сірыю, не можам забываць аб нашых братах хрысціянах, якія жывуць там, мы
не можам маўчаць. Насілле, само па сабе павінна быць асуджана”, - сказаў іерарх.
Патрыярх
Тваль папярэдзіў, што пасля заканчэння ваенных дзеянняў у Сірыі, невядома што там
будзе далей. Ён выказаў хваляванне перад магчымасцю развіцця сітуацыі па іракскаму
ці егіпецкаму сцэнарыю, дзе нягледзячы на перамены, не прыйшлі сапраўдны мір і павага
да правоў чалавека.