Ватыканскі іерарх заклікаў да міру ў Цэнральнаафрыканскай Рэспубліцы
Прэфект Кангрэгацыі
Евангелізацыі Народаў, кардынал Фернанда Філоні скіраваў 4 студзеня пасланне да біскупаў
і вернікаў Цэнтральнаафрыканскай Рэспублікі ў якім заклікаў ваюючыя бакі да прымірэння.
Іерарх адзначыў, што дэкастэрыя, якую ён узначальвае з увагай сочыць за сітуацыяй
у краіне, ахопленай канфліктам паміж урадавамі войскамі і паўстанцамі. З новым запалам
канфлікт разгарэўся ў перыяд перад Божым Нараджэнне, калі войскі паўстанцаў спрабавалі
захапіць сталіцу дзяржавы горад Бангі. “З хваляваннем у сувязі з падзеямі апошніх
дзён, Кангрэгацыя Евангелізацыі Народаў выказвае сваю духоўную блізкасць і заклікаў
захоўваць надзею на мір, які прынёс усяму чалавецтву дзіцятка з Бэтлеему Езус”, -
адзначыў кардынал Філоні. Ён нагадаў словы Святога Айца Бэнэдыкта XVI з паслання на
Сусветны дзень супакою, “мір – не мара, не ўтопія: ён магчымы”. Запэўніваючы аб
малітве за ахвяраў насілля і іх сем'і кардынал Філоні адзначыў: “Я звяртаюся да адказнасці
з аднаго і іншага боку, каб, праз дыялог – адзіны эфектыўны сродак для аднаўлення
трывалага міру, быў пакладзены канец насіллю”,- напісаў кардынал. “Няхай Езус, Валадар
супакою, адкрые сэрцы ўсіх цэнтральнаафрыканцаў, каб маглі ўспрыняць гэты каштоўны
дар Бога чалавецтву!” – заклікаў насельніцтва краіны кардынал Філоні.