Пасля заканчэння XXXV
Еўрапейскай сустрэчы моладзі ў Рыме, кіраўнік супольнасці “Taize” брат Алоіз з некалькімі
сваімі паплечнікамі і каля вялікай групай моладзі накіраваліся ў Стамбул, дзе 6 студзеня
яны прымуць удзел у святкаванні ўрачыстасці Аб’яўлення Пана, а таксама памоляцца разам
з хрысціянамі гэтага старажытнага горада. Візіт дэлегацыі адбываецца па асабістым
запрашэнні Канстантынопальскага Патрыярха Барталамея І. Адносіны паміж супольнасцю
“Taize” і Экуменічным Патрыярхатам маюць ўжо амаль 50-гадовую гісторыю. Першыя кантакты
паміж імі пачаліся ў 1960 г. У 1962 г. брат Ражэ, разам з адным са сваіх паплечнікаў
наведваў у Стамбуле Патрыярха Афінагора. Затым такія сустрэчы неаднаразова паўтараліся.
Наступнік брата Ражэ, брат Алоіз працягвае традыцыю добрых адносін з Канстантынопальскім
Патрыярхам. Барталамеі І жыва цікавіўся сустрэчамі моладзі, якія арганізуе супольнасць
“Taize”. Акрамя таго, ён запрасіў членаў супольнасці, з групай маладых людзей, наведаць
Стамбул.
Праграма візіта дэлегацыі даволі насычаная. Яна пачнецца 3 студзеня
малітвай нешпараў у грэка-праваслаўнай царкве Найсвяцейшай Тройцы на плошчы Таксім
у цэнтры Стамбула. 4 студзеня, удзельнікі дэлегацыі прымуць удзел у малітве са спевамі
“Taize”, якая пройдзе ў армянскай царкве св. Яна Хрызастома. Вечарам яны прымуць удзел
у сустрэчы хрысціянскай і мусульманскай моладзі. У суботу 6 студзеня, яны прымуць
удзел у малітве нешпараў з нагоды Божага Нараджэння па юліянскім каляндары, якая пройдзе
ў Фанары – сядзібе Экуменічнага Патрыярхата. Жыллё, удзельнікам пілігрымкі, прадставяць
некаторыя мясцовыя сем’і розных канфесій.