Вялікае інтэрв’ю аб
важнасці ўклада хрысціян у палітыку даў італьянскаму выданню “La Stampa”старшыня Папскай
рады па новай евангелізацыі арцыбіскуп Рына Фізікела. На думку іерарха іх роля заключаецца
ў тым, каб быць актыўнымі, адкрытымі на дыялог і служыць супольнаму дабру, а не прыватным
інтэрэсам. Таксама арцыбіскуп Фізікела падкрэсліў важнасць дзейснай абароны сям’і
і чалавечага жыцця на ўсіх яго стадыях. “Я жадаю, кам ніколі не памяншалася іх роля
і палітыкі дзейнічалі як хрысціяне ў любых партыях”, - сказаў іерарх.
Паводле
старшыні папскай дэкастэрыі, палітыкі-хрысціяне павінны быць у авангардзе этычнага
аздараўлення сучаснай Італіі. “Фундаментальным з’яўляецца прыняцце такога стылю жыцця,
які дазволіць убачыць у іх веруючых людзей. Стылю жыцця, які не будзе навязвацца іншым,
але будзе прапанаваны як выраз салідарнасці і павагі да чалавечай годнасці”, - сказаў
арцыбіскуп Фізікела.
Паводле яго з няздольнасцю палітычных класаў да аднаўлення
пачынаецца “антыпалітыка”, “якая не вядзе нікуды і нават прымушае закрыцца ў індывідуалізме
без адказнасці”.
Іерарх звярнуў увагу на тое, што католікі, якія ўзельнічаюць
у палітычным жыцці маюць таксама грамадскую адказнасць: “быццё веруючымі прадугледжвае
ўзорнасць стылю і зместу”. “Палітыка павінна натхняцца надзеяй на паляпшэнне для таго,
каб быць найвышэйшай формай любові. Роля палітыкаў-католікаў заключаецца ў тым, каб
пазітыўна ўзаемадзейнічаць з тымі, хто не верыць: вера і розум узаемадапаўняльныя”,
- сказаў арцыбіскуп Фізікела.