Takimi i të rinjve të Taizë-së me Papën. Flet motër Sonila Meta
Takimi i Taizé-së në Romë arriti dje kulmin e vet, me takimin e të rinjve, ardhur
në Romë nga e gjithë Evropa, me Papën Benedikti XVI në Vatikan. Dje, në orën 18.00,
Sheshi i Shën Pjetrit u mbush plot e përplot dhe këngët e thjeshta, por të përshpirtshme,
karakteristike për bashkësinë ekumenike të Taizé-së, u lartuan drejt qiellit së bashku
me lutjet e të rinjve e të Atit të Shenjtë. Ndër të rinjtë, edhe ata shqiptarë, një
autobuz me 50 vetë, që janë shpërndarë në tre famulli romake. Nesër, ata do të
marrin pjesë në festën e fundit të vitit, në Festën e Popujve, që është organizuar
në famullitë ku strehohen, pas lutjes në pritje të Vitit të Ri 2013, që do të zhvillohet
nga ora 23.00 deri në orën 24.00. Çdo ditë, lutja e Taizé-së organizohet në bazilika
të ndryshme të Romës, për t’u dhënë mundësi të rinjve të ndjejnë ç’do të thotë të
jesh në qendrën e krishterimit. Por për lutjen me Papën, të dëgjojmë motrën shqiptare
Sonila Meta, murgeshë e motrave të Shën Andreut, të cilat ndihmojnë vëllezërit e Taizé-së
në punën me rininë…