Ватыканскі іерарх: Бэнэдыкт ХVI падтрымлівае бедных, якія просяць дапамогі
Апостальская Элемазіянера
ў 2011 г. атрымала 7 тыс. просьбаў аб фінансавай дапамозе і выдаткавала каля 900 тыс.
еўра на дапамогу бедным. Аб гэтым паведаміў у інтэрв’ю ватыканскаму выданню “L’Osservatore
Romano” Вялікі Элемазінарый Яго Святасці кс. прэлат Гвіда Поцца, які апякуецца ад
імя Папы патрабуючымі. “Просьбы аб дапамозе сведчаць аб складаных і рознастайных
формах беднасці, якія на жаль, у апошнім перыядзе пачынае пашыраюцца таксама на сферы
і катэгорыі асоб, што да гэтага часу мелі запэўнены эканамічны дабрабыт”, - сказаў
іерарх. Ён нагадаў, што просьба аб дапамозе павінна быць пасведчана парафіяльнымі
святарамі, бо да іх, як гарантаў, адпраўляецца дапамога. “Важна тое, каб шчодры жэст
Папы быў выразам яго салідарнасці з мясцовым касцёламі і парафіяльнай хрысціянскай
супольнасцю”, - адзначыў кс. прэлат Поцца і дадаў, што ахвяраванні з’яўляюцца невялікімі
з-за таго, што “мы хочам дапамагчы як найбольшай колькасці людзей”.
Элемазінарый
Яго Святасці паінфармаваў таксама, што просьбы аб дапамозе надыходзяць з амаль ўсіх
куткоў Італіі, у асноўным з рымскай дыяцэзіі, але і з іншых краін і кантынентаў, асабліва
з усходняй Еўропы, з місійных тэрыторый і Блізкага Усходу. Іерарх узгадаў, што дапамога,
у асноўным, скіроўваецца да палітычных уцекачоў. Зняволеных, людзей бяздомных і студэнтаў,
хворых, самотных маці і сірот, а таксама пакінутым дзецям. “Мы таксама звяртаем асаблівую
ўвагу на жаночыя кляштарныя супольнасці, якія не маюць дастатковых сродкаў для існавання”,
- сказаў кс.прэлат Гвіда Поцца.