Në Spanjë, manifestim në mbrojtje të familjes së krishterë
“Familja e krishterë nuk kuptohet e keqtrajtohet”: kështu denoncon kryetari i Konferencës
Ipeshkvnore Spanjolle, kardinali Antonio Maria Rouko Varela, duke folur në një televizion
katolik për manifestimin mbajtur në Madrid, me rastin e festës së Familjes Shenjte.
Mijëra pjesëmarrësit theksuan impenjimin e tyre në favor të familjes së krishterë,
në qytetin, që është bërë qendër e rëndësishme për këto manifestime. Kryedioqeza e
Madridit ka filluar të ashtuquajturin “Misioni-Madrid”, i cili synon Ungjillëzimin
e Ri duke u nisur nga familja, qelizë bazë e shoqërisë. Në intervistën e tij,
kardinali Rouko Varela nënvizoi se në rrethanat e sotme historike, familja, jo vetëm
nuk kuptohet, por edhe keqtrajtohet nga politika e nga shoqëria. Jemi përpara një
emergjence familjare, para një emergjence feje, që kompromenton të mirën e përbashkët
e shpresën në të ardhmen, denoncon kryeipeshkvi i Madridit, i cili bën thirrje të
rikthehet familja në fronin, nga ku është rrëzuar pa të drejtë.