Права выбіраць Пантыфіка
і быць абранымі на пасад св. Пятра ў сувязі з дасягненнем 80-гадовага ўзроста ў 2013
г. страцяць 10 кардыналаў. Сярод іх 4 амерыканскіх і 6 еўрапейскіх іерархаў. Першым
адзначыць сваё 80-годдзе мексіканскі пурпурат Хав’ер Лазана Бараган, былы старшыня
Папскай рады пастырства працаўнікоў сферы аховы здароўя. 26 лютага адзначыць свой
80-ты юбілей украінскі кардынал Любамір Гузар, былы кіраўнік Украінскай грэка-каталіцкай
Царквы. Таксама ў 2013 г. страцяць права выбіраць Пантыфіка два нямецкія кардыналы:
Вальтэр Каспер, былы старшыня Папскай рады спрыяння хрысціянскаму адзінству і Ёахім
Майснер, арцыбіскуп Кёльнскі. Дасягне 80-гадовага ўзросту таксама італьянскі пурпурат
Рафаэле Фарына, былы Архіварыўс Ватыканскага сакрэтнага архіва і Бібліятэкар Святога
Рымскага Касцёла. На сённяшні дзень у Калегію Кардыналаў уваходзяць 211 чалавек,
з якіх 119 з’яўляюцца выбаршчыкамі (56,4 %) і 92 не могуць выбіраць Пантыфіка.