Бэнэдыкт XVI да Патрыярха Антыёхіі Яна Х: сведчыць аб адзінcтве ў нестабільныя часы

Аб неабходнасці адзінства паміж хрысціянамі ў гэтыя нестабільныя часы, напоўненыя насіллем на Блізкім Усходзе, нагадаў Бэнэдыкт XVI у сваім звароце да новаабранага грэка-праваслаўнага Патрыярха Антыёхіі і ўсяго Усходу, Яна Х. Паводле Святога Айца, сведчанне адзінства з боку вызнаўцаў Хрыста неабходна, “каб свет паверыў у евангельскае пасланне любові, міра і згоды”. “Мы маем адказнасць, супольна працягваць наш шлях, каб паказаць, яшчэ больш відавочным чынам, духоўную рэальнасць еднасці, няхай нават не да канца дасягнутай, але якая ўжо нас аб’ядноўвае”, - напісаў Папа. Бэнэдыкт XVI пажадаў, каб адносіны паміж грэка-праваслаўным Патрыярхатам і Каталіцкім Касцёлам глыбока развіваліся праз розныя формы плённага супрацоўніцтва і вырашэнне праблем, якія падзяляюць вызнаўцаў Хрыста. Пантыфік падкрэсліў важную ролю ў гэтым працэсе Змешанай Міжнароднай камісіі па тэалагічным дыялогу паміж Каталіцкім Касцёлам і Праваслаўнымі Цэрквамі. Нарэшце, Папа, запэўніў новаабранага Патрыярха ў сваіх малітвах, а таксама аб суцяшэнні для ахвяраў насілля на Блізкім Усходзе.

Ян Х, быў абраны новым Патрыярхам Антыёхіі 17 снежня, пасля смерці свайго папярэдніка на гэтай пасадзе Патрыярха Ігнацыя IV.