Эксперт: 105 тыс. хрысціян загінулі па прычыне веры за 2012 г.
За 2012 г. у свеце
загінула па прычыне сваёй веры каля 105 тыс. хрысціян. Аб гэтым у інтэрв’ю нашаму
радыё расказаў каардынатар італьянскага Цэнтра па вывучэнні праблем рэлігійнай свабоды
ў свеце Масімо Інтравінье. Статыстыка, якой падзеліўся эксперт па-сапраўднаму палохае
– у сярэднім кожныя 5 хвілін у свеце гіне па прычыне сваёй веры адзін вызнаўца Хрыста.
Даследчык вылучыў самыя небяспечныя тэрыторыі да якіх аднёс у першую чаргу афрыканскія
краіны Нігерыю, Самалі, Малі, дзе людзі баяцца нават пайсці на св. Імшу. Акрамя таго,
вялікія рызыкі для хрысціян існуюць у Пакістане, некаторых рэгіёнах Егіпта, краінах,
у якіх да сённяшняга дня пануюць таталітарныя камуністычныя рэжымы, на чале з Паўночнай
Карэяй ці краіны дзе маюць вялікі уплыў этнічныя нацыяналісты, як напрыклад Індыя.
“У многіх з гэтых краін пайсці на св. Імшу ці на катэхезу вельмі небяспечна для жыцця”,
- сказаў Масімо Інтравінье.
Гаворачы аб прычынах нянавісці да хрысціян эксперт
адзначыў перш за ўсё панаванне агрэсіўных ідэалогій. “З аднаго боку існуе жорсткі
пераслед, забітыя і закатаваныя, згодна з некаторымі спецыфічнымі ідэалогіямі: напрыклад
ідэалогяй ісламскага радыкальнага фундаменталізма, найбольш агрэсіўных форм энтічнага-нацыяналізма
і канешне, яшчэ жывой старай камуністычнай ідэалогіяй. Не ставячы у адзін рад са смяротнымі
ідэалогіямі, аднак неабходна вылучыць таксама феномен неталерантнасці, які з’ўяляецца
культурным фактам, ці дыскрымінацыі згодна з несправядлівымі законамі, якія выяўляюцца
таксама ў нашых краінах, на Захадзе, аб чым нагадваў Святы Айцец у сваім пасланні
на Сусветны Дзень міра 2013 г.”, - адзначыў спецыяліст.
Масімо Інтравінье падкрэсліў,
што недарэмна Папа, некалькі дзён таму, звяртаючыся да супрацоўнікаў Рымскай курыі
казаў аб небяспеках, злучаных з культурнай дыктатурай, якая навязваецца спецыфічнымі
ідэалогіямі, сярод якіх “гендэрная”. “Гэтыя ідэалогіі, відавочна, адчуваюць пагрозу
з боку хрысціян і Касцёла, якія уздымаюць свой голас супраць іх і таму іх лоббі, пачынаюць
кампаніі неталерантнасці і дыскрымінацый”, - падкрэсліў эксперт.