Генсек ААН і старшыня Савета Еўропы вітаюць хрысціянскую моладзь
Плённай сустрэчы ў
Рыме, каб сумесна адказаць на выклікі, якія кідае сучасны свет, пажадалі ўдзельнікам
XXXV Еўрапейскай сустрэчы моладзі арганізаванай экуменічнай супольнасцю “Taize” генеральны
сакратар ААН Пан Кі Мун і кіраўнік Савета Еўропы Герман ван Ромпей. Яны скіравалі
да ўдзельнікаў форума свае пасланні. Генсек ААН звярнуў увагу на выклікі, якія ставіць
сучасны свет, у тым ліку няўпэўненасць, няроўнасць і недахоп талерантнасці. Ён падкрэсліў
неабходнасць добрага выкарыстання патэнцыялу маладога пакалення і выразіў перакананне,
што на гэтыя выклікі можна адказаць сумесна, як партнёры. У сваю чаргу, старшыня Савета
Еўропы, Герман ван Ромпей, закрануў пытанні веры і даверу – галоўных тэм сустрэчы.
Палітык адзначыў, што гэтыя пытанні тычацца станоўчага адказу чалавека, на такія важныя
элементы, як жыццё, любоў і іншы чалавек. Ён пажадаў моладзі “плённай сустрэчы ў
Рыме, цудоўным месцы, якое спрыяе разважанням, медытацыі і сузіранню”.