У Ватыкане пачаліся апошнія падрыхтоўчыя працы да Божага Нараджэння
У Ватыкане пачаліся
апошнія падрыхтоўкі да святкавання Божага Нараджэння. У другой палове дня базыліка
св. Пятра была зачынена. Для вернікаў яе дзверы расчыняцца толькі за дзве гадзіны
да пачатку Вігілійнай св. Імшы з удзелам Папы, запланаванай на 22.00. Пад вечар адбудзецца
ўрачыстая цырымонія адкрыцця ясляў на плошчы св. Пятра – падарунку паўднёваітальянскай
вобласці Базыліката. Яслі зроблены ў гэтым годзе на ўзор пячор-дамоў у італьянскай
Матэры, занесеных у спіс Сусветнай спадчыны ЮНЕСКА. Побач з яслямі расмешчана 24-метровая
ёлка, таксама падарунак Святому Айцу ад паўднёваітальянскай вобласці Малізэ. Яе ўрачыстая
інаўгурацыя прайшла 14 снежня.
Як і кожны год, тысячы пілігрымаў і турыстаў
з усяго свету прыехалі ў Рым, каб прыняць удзел ва ўрачыстасцях з Пантыфікам у Ватыкане.