Італьянскі іерарх: кнігі Папы – адказ пануючым ідэалогіям
Поспех кніг Бэнэдыкта
XVI, уключаючы апошнюю, прысвечаную дзяцінству Езуса можна патлумачыць здольнасцю
Пантыфіка “прамаўляць ветлівым і прывабліваючым тонам у “духу часу”. Аб гэтым напісаў
у вялікім артыкуле на старонках папулярнай італьянскай газеты “Corriera della sera”
бібліст і тэолаг арцыбіскуп Бруна Фортэ. Паводле іерарха поспех кніг Святога Айца
ва ўсім свеце можа падавацца “выключным” у эпоху, якую многія называюць пост-хрысціянскай.
Арцыбіскуп Фортэ сцвярджае, што Папа “не ігнаруе вялікія культурныя трансфармацыі,
якія адбываюцца на працягу апошніх дзесяцігоддзяў”. Тэолаг заўжавае, што сёння распаўсюджаны
наіўны давер да рознага тыпу ідэалогій, з дапамогай якіх інтэрпрытуецца свет. Гэтыя
ідэалогіі паўплывалі на распаўсюджванне недаверу да рэлігій. У выніку чалавек, які
ідэалогіямі разглядаецца проста як частка агульнай масы, раптоўна застаўся ў адзіноце,
бо яму стала цяжка знайсці месца для іншага і для Бога.
На думку арцыбіскупа
Фортэ, менавіта таму, людзей прываблівае прапанова такога Бога, з якім змагаюцца ідэалогіі
і адмаўляе самотнасць пост-мадэрнізма. “У той час, як дамінуючая культура часта бачыць
Бога як “абмежаванне” для чалавечай свабоды, прапанова Папы тэолага прываблівае жанчын
і мужчын пост-хрысціянскай, пост-секулярнай і пост-мадэрніскай эпохі”, - напісаў арцыбіскуп.
Ён сцвярджае, што трылогія Святога Айца, якая апавядае пра Бога блізкага, чалавечнага
і адначасова боскага, “з’яўляецца добрай навіной для нашага часу і яго неўпэўненага
духа”.