Хрысціянскія лідэры звярнуліся да удзельнікаў сустрэчы “Taize” у Рыме
Пасля Бэнэдыкта XVI
свае пасланні да ўдзельнікаў міжнароднай экуменічнай сустрэчы, якая пройдзе ў канцы
снежня па ініцыятыве супольнасці “Taize” у Рыме, скіравалі лідэры іншых хрысціянскіх
канфесій: Канстантынопальскі Патрыярх Барталамей І, кіраўнік Англіканскай Царквы архіепіскап
Кентэрберыйскі Роўэн Уільямс і Генеральны Сакратар Міжнароднай федэрацыі лютэран Марцін
Юнге. Чакаецца ў што ў Вечным горадзе на “пілігрымцы даверу па зямлі” збяруцца каля
40 тыс. чалавек. Аб гэтым піша сённяшняе “L’Osservatore Romano”. Канстантынопальскі
Патрыярх Барталамей І, у сваім звароце да моладзі выказаў спадзяванне, што сустрэча
дапаможа ім не патрапіць у “пасткі нашага часу” і пераадоліць “стомленасць гісторыі”.
Паводле праваслаўнага іерарха сустрэча арганізаваная “Taize” прадэманструе несапраўднасць
песімістычных сцвярджэнняў аб тым, што экуменізм – гэта “няўдалая гістарычная ініцыятыва”.
“Экуменізм не спыніўся, у першую чаргу таму што падтрымліваецца жыццёвай тканню вашай
маладосці”, - напісаў Барталамей І. Іерарх падкрэсліў, што моладзь нараджае давер
і спадзяванне на добрую будучыню.
Таксама тэме даверу прысвяціў сваё пасланне
архіепіскап Уільямс, кіраўнік Англіканскай Царквы. Ён нагадаў, што Бог працягвае давяраць
людзям і любіць іх нягледзячы на тое, што яны забілі Яго Сына Езуса Хрыста. “Ён спадзяецца,
што мы будзем у стане адказаць Яму любоўю”. Англіканскі іерарх заклікаў маладых людзей
разважаць над гэтым вялікім дарам праз малітву і адносіны з іншымі людзьмі.
Паводле
лютэранскага лідэра Марціна Юнге, сустрэча ў Рыме пакажа, што святло веры перамяняе
людзей нягледзячы на вялікія цяжкасці з якімі яны сустракаюцца, такія як беспрацоўе,
кліматычныя змены, фінансавы крызіс і злоўжыванне ўладай.