Presidentja e Republikës së Kosovës, Atifete Jahjaga, priti sot në një takim në Prishtinë
ipeshkvin e Kishës katolike të Kosovës, imzot Dodë Gjergjin, së bashku me bashkëpunëtorë
të tij. Imzot Gjergji e falënderoi Presidenten Jahjaga për përkrahjen që i ka dhënë
komunitetit katolik në Kosovë dhe vlerësoi punën e saj si faktor uniteti i popullit
në Kosovë. Duke i uruar Presidentes Festën e Krishtlindjes, imzot Dodë Gjergji e informoi
atë për gjithë angazhimet dhe aktivitetet e Kishës katolike të vendit. Ipeshkvi i
Kosovës u interesua edhe procedimin e Ligjit për bashkësitë fetare në Kosovë. Presidentja
Jahjaga tha se Festa e Krishtlindjes është festë e paqes, e respektit dhe dashurisë
mes njerëzve dhe uroi ipeshkvin katolikë imzot Gjergji në prag të kësaj feste. Ajo
tha se Kisha Katolikë në Kosovë ka luajtur rol të rëndësishëm së bashku me të gjitha
bashkësitë tjera fetare dhe theksoi rëndësinë e ruajtjes e të kultivimit të diversitetit
dhe të tolerancës fetare në vend./nga kosovasot/