Ватыканскі іерарх: самагубства па любых матывах – супярэчыць хрысціянству
Кардынал Рэната Рафаэле
Марціна, былы старшыня Папскай рады “Iustitia et Pax”, нагадаў, што хрысціяне адвяргаюць
самагубства ў любой яго форме і па любых матывах, нават калі яно было здзейснена ў
высакародных мэтах. Нагодай для выказвання ватыканскага іерарха стала дыскусія на
старонках італьянскай “La Stampa” на гэту тэму, што справакавала пастава будысцкіх
манахаў з Тыбету, якія выкарыстоўваюць самагубства, як форму пратэсту супраць палітыкі
Кітая на гэтых землях.
Кардынал нагадаў навучанне Катэхізіса Каталіцкага Касцёла,
аб тым, што самагубства супярэчыць натуральнай схільнасці чалавека да захавання свайго
жыцця і любові да жывога Бога. Паводле яго, жэст тыбецкіх манахаў з’яўляецца вынікам
пэўнага рэлігійнага кантэксту, але гэтыя акты не можна параўноўваць з мучаніцтвам
хрысціян. Шматлікія паслядоўнікі Хрыста падвяргаліся пераследам з-за нянавісці да
іх веры, але яны не рабілі нічога падобнага, і цярпелі да самага апошняга тое, што
было вынікам пераследу, патлумачыў кардынал Марціна.