ֆրանսայի քրիստոնեայ եկեղեցիներու խորհուրդը հիմնուած է դեկտեմբեր 1987-ին։ Կաթողիկէ,
օրթոտոքս եւ բողոքական երեք համանախագահները մեծ շուքով տօնախմբեցին տարեդարձը բողոքականներու
տան մէջ եւ այդ առթիւ երկու մրցանակներ շնորհուեցան. Առաջինը` ուսանող Քրիստոֆ Տելեկին,
աստուածաբանական ու մարդաբանական կատարած հետազօտութիւններուն համար, իսկ եկրորդը` շնորհուեցաւ
Գլոտ Ժիւլեան Թիլին եւ Մարի Անթուանէթ Նուրիին` համամիութեան ի սպաս իրենց տարած աշխատանքին
համար։ Նշենք որ ֆրանսայի քրիստոնեայ եկեղեցիներու խորհուրդի նպատակն է միատեղ խորհրդակցիլ
ընկերային հարցերու մասին ու միատեղ դիրք առնել, տեղեկանալ տարբեր եկեղեցիներու նախաձեռնութիւններու
մասին, միասնաբար նախաձեռնութիւններ կազմակերպել Եկեղեցիներու միութեան ի խնդիր։ ֆրանսայի
քրիստոնեայ եկեղեցիներու խորհուրդին մաս կը կազմեն Անկլիգան, Հայ, Կաթողիկէ, Օրթոտոքս
եւ Բողոքական եկեղեցիները։