Վատիկանի Օսսերվաթորէ Ռոմանօ Օրաթերթի Տնօրէնը Արժանացաւ ֆրանսական Ասպետի Պատւոյ Շքանշանին։

Ճովաննի Մարիա Վեան` ֆրանսայի բարեկամ։
Ս. Աթոռի մօտ ֆրանսայի դեսպան` տիար Պրուն Ժուբեր ֆրանսական ասպետի պատւոյ շքանշանը շնորհեց պատմաբան եւ լրագրող Ճովաննի Մարիա Վեանին` տնօրէնը Վատիկանի Օսսերվաթորէ Ռոմանօ օրաթերթին, այս վերջինը որակելով որպէս ֆրանսայի իսկական բարեկամ։
Դեսպանը յայտնեց որ Ճովաննի Մարիա Վեանի օրով Օսսերվաթորէ Ռոմանօ օրաթերթի ձգտումը եղած է ''աշխատիլ նշանակութիւն ու հեռանկար տալու մեր ժամանակաշրջանի խառնաշփոթ իրավիճակին''։ Ան նաեւ մատնանշեց որ Պապին օրաթերթը ցոլացումն է քահանայապետութեան մը տոգորուած մշակոյթով, տեսութիւններու դիմադիմութեամբ, Եկեղեցւոյ տիեզերական ծաւալով, մէկ խօսքով - ըսաւ Դսպան Ժուբեր - մտքի համարտձակութեամբ։
Ճովաննի Մարիա Վեան սեպտեմբեր 2007-ին կանչուեցաւ պատասխանատուութիւնը ստանձնելու Վատիկանի Օսսերվաթորէ Ռոմանօ օրաթերթին։ Ան ծնած է Հռոմ 10 մարտ 1952-ին, մասնագէտ` քրիստոնէութեան պատմութեան, անդամ` պատմական գիտութեան քահանայապետական կոմիտէի եւ դասախօս Հռոմի ու Միլանոյի համալսարաններուն մէջ։