Եգիպտոսի Մէջ Այսօր Նոր Սահմանադրութեան Շուրջ Հանրաքուէի Առաջին Հանգրուանը։
Եգիպտոսի ընդդիմադիր խմբակները այսօրուան հանրաքուէի նախօրեակին նոր սահմանադրութեան
դէմ հաւաքներ կատարեցին: Գահիրէի մէջ ուրբաթ օրուան նամազէն ետք սահմանադրութեան դէմ
առնուազն երկու հաւաքներ տեղի ունեցան: Նախագահ Մոհամետ Մուրսիի համակիրները իրենց
կարգին գլխաւոր ճամբաներու վրայ բարձրացուցին պաստառներ, որոնց վրայ գրուած էր` «Այո՛,
սահմանադրութեան»: Նշենք, որ ընդդիմութեան Ազգային Փրկութեան ճակատը կոչ կ՛ուղղէ «ոչ»
քուէարկելու: Անոնք կը յայտնեն, որ առաջարկուած բանաձեւը «շատ իսլամական» է: Քուէարկութեան
կեդրոնները Գահիրէի եւ Աղեքսանդրիոյ մէջ կը բացուին այսօր առաւօտեան ժամը 8:00-ին(տեղեական
ժամով)իսկ երկրին մնացեալ կէսը պիտի քուէարկէ մէկ շաբաթ ետք: Այս դասաւորումը կատարուած
է, որովհետեւ քուէարկութիւնը վերահսկելու պատրաստակամ դատաւորներուն թիւը քիչ է: Քանի
անոնց մեծամասնութիւնը կը մերժեն քուէարկութեան վերահսկել: