Бэнэдыкт XVI спачувае ахвярам бойні ў амерыканскай школе
Святы Айцец выказаў
свае спачуванні ў сувязі з крывавым інцыдэнтам у школе горада Ньютаун у амерыканскім
штаце Канэкцікут дзе было забіта па першых звестках 29 асоб, з якіх 20 – дзеці. У
тэлеграме, падпісанай кардыналам Дзяржсакратаром Тарчызіо Бэртонэ, гаворыцца, што
Бэнэдыкт XVI “быў аператыўна праінфармаваны аб стральбе ў пачатковай школе”. Пантыфік
пераказвае свой шчыры смутак і малітоўную блізкасць ахвярам, іх сем’ям і ўсім пацярпелым
у драматычнай падзеі. “Пасля гэтай бессэнсоўнай трагедыі” Святы Айцец просіць Бога
суцешыць тых, хто плача, і заклікае “перамагаць насілле сілай прабачэння, надзеі і
прымірэння”. 14 снежня раніцай у пачатковай школе горада Ньютаун, штат Канэктыкут,
была адкрыта стральба. Сярод забітых аказаліся дырэктар школы, настаўнікі і дзеці.
Як высветлілася пазней, крывавую бойню ўчыніў 20-гадовы Адам Лэнза. Да таго, як прыехаць
у школу, ён забіў дома свайго бацьку. У школе працавала мама Адама, яна была настаўнікам.
Яе ён застрэліў на вачах усіх. Потым Адам Лэнза пачаў страляць і ў дзяцей.