Sekretari i Kongregatës për Ungjillëzimin e Popujve mbi ipeshkvin kinez, imzot Ma
Daqin
Sekretari i Kongregatës për Ungjillëzimin e Popujve, imzot Savio Hon Tai-Fai i përgjigjet
vendimit të së ashtuquajturës Konferencë të Ipeshkvijve Katolike të Kinës (komuniste)
dhe Shoqatës Katolike Patriotike Kineze për të mos e njohur detyrën baritore të ipeshkvit
të Shangait, imzot Tadeush Ma Daqin. Katër, pikat kryesore të prononcimit të tij:
së pari, ipeshkvin e cakton në detyrë Papa e jo ndonjë shoqatë patriotike kineze,
e cila as që njihet nga Selia e Shenjtë; së dyti, vetë ipeshkvi është treguar besnik
si ndaj Kishës Katolike, ashtu edhe ndaj atdheut te vet; së treti, Kongregatës i kanë
ardhur me mijëra mesazhe nga të gjithë besimtarët e botës, në mbështetje të ipeshkvit
të Shangait e; së katërti, Sekretari i Propaganda Fide-s kërkon një lutje për imzot
Ma Daqin gjatë kremtimit eukaristik në çdo kishë katolike.