Эксперты: ад 70% да 75% людзей, якіх пераследуюць за веру – гэта хрысціяне
У аўстрыйскай сталіцы
з нагоды “Дня ў падтрымку пераследуемых хрысціян” адбылася прэс-канферэнцыя з удзелам
членаў міжнародных дабрачынных арганізацый, якія займаюцца абаронай хрысціян розных
канфесій, што падвяргаюцца пераследу ў розных краінах свету. На думку праваабаронцаў,
дыскрымінацыя і насілле ў дачыненні да паслядоўнікаў Хрыста ў сучасным свеце набірае
абароты. Хрысціянства з’яўляецца самай распаўсюджанай рэлігіяй у свеце. Ад 70% да
75% людзей, якіх пераследуюць за веру – гэта хрысціяне.
Сабаціна Джэймс, аўтар
кнігі пра адносіны паміж мусульманамі і хрысціянамі, якая сама перайшла з ісламу ў
хрысціянства, са муткам сцвердзіла, што “калі дзесьці спалілі Каран, мусульмане выходзяць
на вуліцы, калі ж гараць хрысціяне, ніхто не выступіць супраць насілля”. Герберт Рэхбергер
з арганізацыі “Дапамога Касцёлу ў патрэбе” распавёў аб становішчы хрысціян у Пакістане,
назваўшы 2011-2012 гг. самымі крывавымі і трагічнымі для іх у гісторыі краіны. Не
засталася без увагі тэма Егіпту і становішча паслядоўнікаў Хрыста ў ім. Эксперты адзначылі,
што нягледзячы на адсутнасць арганізаванага пераследу, узровень дыскрымінацыі хрысціян
значна вырас у апошні час. Прыход да ўлады “Братоў-мусульман” пагоршыў становішча
вернікаў.