ՍԻՐԵԼԻ ԵՐԻՏԱՍԱՐԴՆԵՐ, ԵԿԵՂԵՑԻՆ ՁԵԶԻ ԿԸ ՎՍՏԱՀԻ

Երիտասարդութիւնը մարդկութեան յոյսն է, կ՚ըսէր ՅովՀաննէս Պօղոս Բ. ՔաՀանայապետը : Մտահոգութիւն մը կայ որ կը տիրէ ներկայ ընկերութեան մէջ. երիտասարդները ուրա՞խ են : Ո՞վ կ'ընկերակցի իրենց ամենօրեայ առաքելութեան մէջ : Ի՞նչ են իրենց արժանիքները· ի՞նչ է անոնց դերը մեր հասարակութեան մէջ :
Շատ մը դժուարութիւններ երիտասարդները կը ստիսլեն ըմբոստանալու ընկերութեան դէմ, իրարու դէմ պայքարելու կամ մարտահրաւիրելու հաստատութիւնները : Անոնք արդի հաղորդակցութեան միջոցները կ'օգտագործեն իրենց ձայնը լսցնելու եւ պայքարը շահելու իրենց ընդդիմադիրներուն դէմ :
Հոս կը հարցնեմ թէ ո՞ւր է կրօնքին դերը երիտասարդներուն կեանքին ու սրտին մէջ : Ինչպէ՞ս կրնայ օգնել եւ ընկերակցիլ իրենց կեանքին րնթացքին :
Այժմու երիտասարդութիւնը շատ յատկութիւններ ունի, մանաւանդ մարդասիրական եւ իմացական գետնի վրայ :
Շարունակ կը գտնուինք երիտասարդներու բարոյական, ընկերային եւ որոշումի մտահոգութիւններուն դիմաց : Պէտք չէ զանոնք լքենք մեր ընկերութեան մարտակոչին ու բարգաւաճման դիմաց : Քրիստոնեաներս կարեւոր դեր ունինք ոչ թէ անկարելի խոստումներ ընելով, այլ լուծումներ գտնելով : Հզօր իր անցեալով եւ իր պատմութեամբ, քրիստնեայի արժէքները տիեզերական են եւ կը գտնուին իւրաքանչիւրիս մէջ :
Ո՞ւր՝ են ծնողքները : Անոնք պէտք են օգնել իրենց զաւակներուն կերտելով զանոնք, յիշեցնելով թէ Բարին միշտ կը յաղթէ Չարին·. Ւնչպէ՞ս բացատրել այս երիտասարդներուն թէ քրիստոնեայ արժէքներուն նպատակը ստրկացնել չէ այլ ազատագրել է :
Միշտ կը հարցնեմ ու՞ր են իմ ժողովրդապետութեանս երիտասարդները : Ինչո՞ւ համար չեն գար մեզի, վստահելու իրենց մտահոգութիւններն ու հարցերը, խօսելու իրենց տարակոյսներուն մասին որպէսզի միասին լուծումներ գտնենք :
Կ'ապրինք ժամանակաշրջանի մը մէջ ուր ընկերային ցանցերը կարեւոր տեղ կը գրաւեն մեր կեանքէն ներս : Կարելի է՞ արդեօք այս ցանցերը օգտագործել երիտասարդներու հետ աւելի մօտենալու եւ անոնց հետ հաղորդակցելու :
Կը հաւատամ երիտասարդներուն աշխուժութեան : Գիտեմ նաեւ թէ իրենց յաճախ հայր մը, եղբայր մը կամ բարեկամ մը կը պակսի որուն վրայ վստահին : Նոր սերունդին ու երիտասարդութեան կը հաւատամ : Խորապէս կը հաւատամ այն արժանիքներուն զոր երիտասարդութիւնը պէտք է ընդգրկէ՝ աշխատանք զօրակցութիւն, պատասխանատուութիւն :
Ծնողքներ, եղբայրներ, քոյրեր եւ բարեկամներ, դուք որ միշտ կապի մէջ էք մեր երիտասարդներուն հետ, անոնց յիշեցուցէք մեր քրիստոնեայ բարոյականն ու արժէքները, երկխօսեցէք անոնց հետ :
Սիրելի երիտասարդներ՝ ամբողջ աշխարհհի մէջ եղէ՛ք քրիստոնեայ յոյսին վկաները : Եկեղեցին ձեր վրայ կը վստահի : Ան պէտք ունի ձեր կենդանի հաւատքին, ձեր ստեղծագործ սիրոյն եւ ձեր կենդանի յոյսին : Ձեր ներկայութիւնը Եկեղեցին կը վերանորոգէ, զայն կ'երիտասարդացնէ եւ նոր թափ մը կու տայ անոր :